ЮҚОРИ ХАВФЛИ БЕМОРЛАРДА ЎТКИР ДЕСТРУКТИВ ХОЛЕЦИСТИТНИ ТЕРИ ВА ЖИГАР ОРҚАЛИ МИКРОХОЛЕЦИСТОСТОМИЯ БИЛАН БОСҚИЧЛИ ДАВОЛАШ

Резюме. Долзарблиги. Операция хавфи юқори бўлган деструктив холециститли беморларда шошилинч радикал операция кўп асоратлар билан кечади, ўт пуфагини тери орқали декомпрессия қилишга кўрсатмалар эса объектив мезонларни талаб этади. Тадқиқот мақсади. Табақалаштирилган тактика доирасида тери ва жигар орқали микрохолецистостомия (ТЖОМХС) ва кечиктирилган холецистэктомия (ХЭ) билан босқичли даволаш натижаларини баҳолаш. Материал ва усуллар. 2020–2026 йилларда даволанган 278 бемор таҳлил қилинди: таққослаш гуруҳи – 121 бемор (анъанавий тактика), асосий гуруҳ – 157 бемор (кесимни танлаш балл дастури, 15–19 баллда УТТ назоратида ТЖОМХС). Босқичли тактика мос равишда 18 ва 24 беморда қўлланилди. Натижалар. Асосий гуруҳда лапароскопик ХЭ улуши 41,3% дан 56,7% гача ортди (p=0,011), кенг лапаротом кесим улуши 19,0% дан 2,5% гача камайди (p<0,001), келиб тушгандан операциягача муддат 26,5 соатдан 18,5 соатгача қисқарди (p<0,001). Босқичли даволашда кечиктирилган ХЭ давомийлиги 106,6 дан 83,0 дақиқагача (p=0,0010), ётоқ-кун 9,8 дан 7,1 суткагача (p=0,024) қисқарди; асоратлар 38,9% дан 12,5% гача камайди, фарқ ишончсиз (p=0,070). Хулосалар. Балл кўрсатмалари бўйича кечиктирмасдан бажарилган ТЖОМХС ва кейинги кечиктирилган ХЭ юқори хавфли беморларда операция ва шифохонада бўлиш давомийлигини қисқартиради. Калит сўзлар: деструктив холецистит, операция хавфи, микрохолецистостомия, босқичли тактика, кечиктирилган холецистэктомия, холангиография.

Hali tarjima qilinmagan