XIZMATLAR SEKTORIDA MEHNAT RESURSLARIDAN OQILONA FOYDALANISH
Annotatsiya
Xizmatlar sektorida mehnat resurslaridan foydalanishning hozirgi holati, ularni samarali taqsimlash va boshqarishning iqtisodiy rivojlanishdagi ahamiyati tahlil qilingan. Xizmatlar sektoriga xos bo'lgan xususiyatlar, jumladan, xizmatlarning nomoddiyligi, ishlab chiqarish va iste'mol jarayonlarining bir vaqtda sodir bo'lishi hamda inson omilining ustuvorligi nuqtayi nazaridan mehnat resurslaridan oqilona foydalanish masalalari yoritilgan. Qashqadaryo viloyatida xizmatlar sektorini rivojlantirishning strategik ahamiyati, aholining tabiiy harakati va demografik jarayonlarning mehnat resurslarini takror ishlab chiqarishga ta'siri o'rganilgan. Shuningdek, xizmatlar sektorining aholi bandligini ta'minlash, kambag'allik darajasini pasaytirish va ijtimoiy barqarorlikni mustahkamlashdagi ijtimoiy-iqtisodiy vazifalari ko'rib chiqilgan. Xizmatlar sektorining ijtimoiy barqarorlikni ta'minlovchi mexanizm sifatidagi ahamiyatini ilmiy jihatdan asoslashga e'tibor qaratilgan.