SUD HOKIMIYATINING MUSTAQILLIGI VA XOLISLIGINI TA'MINLASH KAFOLATLARI: UKRAINA DAVLATI MISOLIDA
Annotatsiya
Maqola Ukrainada sudning mustaqilligi va xolisligi standartlarini, huquq ustuvorligining asosiy tarkibiy qismlari sifatida, Ukrainaning Yevropa integratsiyasi kontekstida o‘rganishga bag‘ishlangan. Olimlarning ilmiy tahlili e’tibori sudyalar mustaqilligini ta’minlash mexanizmlari, Ukraina sud tizimi duch kelayotgan amaliy muammolar hamda milliy huquqiy tizimga implementatsiya qilinishi lozim bo‘lgan xalqaro-huquqiy standartlarga qaratilgan. Tаdqiqotchilar ta’kidlaydilarki, sud hokimiyatining mustaqilligi nafaqat Ukraina Konstitutsiyasida mustahkamlangan rasmiy talab, balki demokratik huquqiy tartibning faoliyat ko‘rsatishini ta’minlovchi institutsional kafolat hamdir. Biroq, sud islohoti natijasida erishilgan sezilarli yutuqlarga qaramay, amaliyotda hokimiyatlar bo‘linishi prinsipining ko‘plab buzilishlari saqlanib qolmoqda. Xususan, qonun chiqaruvchi va ijro etuvchi hokimiyat organlari tomonidan sudga bosim o‘tkazishga, muayyan ishlarni ko‘rib chiqishga aralashishga yoki sudyalarni tayinlash va lavozimdan ozod etish tartib-taomillarini manipulyatsiya qilishga urinishlar haqida so‘z bormoqda.