XORAZM QO'SHIQCHILIK SAN'ATI YO'NALISHI VA QADRIYATLARI
Annotatsiya
Ushbu tezisda Xorazm vohasida shakllangan qo‘shiqchilik san’ati yo‘nalishi va uning milliy qadriyatlar bilan bog‘liqligi yoritilgan. Xorazm musiqa uslubi qadimiy xalq ijodiyoti (bolalar va marosim qo‘shiqlari, xalfa laparlari) hamda og‘zaki kasbiy san’at (baxshi dostonchiligi, talqinchi va go‘yandalar ijodi) asosida rivoj topgan bo‘lib, unda musiqaning ilk bosqichlariga oid parda va ohang alomatlari saqlanib qolgan. Maqolada xalfa ashulalari, sozanda qo‘shlarining tomosha san’ati, Shirvoniy va Eroniy uslublardagi baxshichilik, tasavvufiy talqin va go‘yandalar ijodi batafsil ko‘rib chiqilgan. Shuningdek, hozirgi davrda yoshlarga ta’lim berish, ansambllar faoliyati va to‘y qo‘shiqlari, xususan, Xorazm lazgisi kabi mashhur namunalarning o‘rni tahlil qilingan.