RAQAMLI MEROS: VAFOT ETGAN SHAXSNING IJTIMOIY TARMOQLARDAGI SAHIFALARI VA ELEKTRON HAMYONLARI USTIDAN VORISLIK HUQUQI
Annotatsiya
Ushbu maqolada zamonaviy huquqshunoslikning eng dolzarb muammolaridan biri – raqamli meros va uning huquqiy tartibga solinishi tahlil qilinadi. Tadqiqot doirasida vafot etgan shaxsning ijtimoiy tarmoqlardagi sahifalari, bulutli xotiralardagi ma’lumotlari va elektron hamyonlaridagi aktivlari ustidan vorislik huquqini amalga oshirish masalalari o‘rganilgan. Maqolada shaxsiy hayot daxlsizligi va mulkiy huquqlar o‘rtasidagi muvozanat, shuningdek, texnologik platformalarning foydalanuvchi kelishuvlari va milliy qonunchilik o‘rtasidagi ziddiyatlar ko‘rib chiqiladi. Yevropa Huquq Instituti (ELI) tamoyillari asosida raqamli aktivlarning vorislik mexanizmlari tahlil qilinib, O‘zbekiston Respublikasi Fuqarolik qonunchiligini takomillashtirish bo‘yicha takliflar ilgari surilgan.