YURAK RITMI SIGNALLARINI SUN'IY INTELLEKT BILAN TAHLIL QILISH
Annotatsiya
Ushbu tadqiqot yurak ritmi signallarini sun’iy intellekt yordamida tahlil qilib, yurak kasalliklari, xususan aritmiyalar va infarkt xavfini prognozlash imkoniyatlarini o‘rganishga bag‘ishlangan. Tadqiqotda EKG signallari chuqur neyron tarmoqlar yordamida avtomatik tahlil qilindi, shovqinni kamaytirish va parametrlarni normalizatsiya qilish orqali modelga tayyorlandi. Natijalar shuni ko‘rsatdiki, AI tizimi yurak ritmi bo‘yicha xavfni aniqlashda yuqori aniqlik va ishonchlilikka ega. Tadqiqot yurak kasalliklarini erta diagnostika qilish, individual monitoring va profilaktik tavsiyalar berishda sun’iy intellektning amaliy ahamiyatini namoyish etadi. Shu bilan birga, tizim sog‘liqni saqlash resurslarini samarali boshqarish va shaxsiylashtirilgan tibbiy xizmatlarni rivojlantirish imkonini yaratadi.