UZUMCHILIK TARMOG‘INING RIVOJLANISH TENDENSIYALARI VA UNING AHOLI DAROMADLARIGA TA’SIRI
Annotatsiya
Mazkur maqolada O‘zbekistonda, xususan Samarqand viloyatida dehqon va tomorqa xo‘jaliklarida uzum yetishtirishning iqtisodiy ahamiyati hamda rivojlanish tendensiyalari statistik jihatdan tahlil qilingan. Tadqiqot davomida 2020–2024-yillarga oid statistik ma’lumotlar asosida uzum yetishtirish hajmi, hududlar va xo‘jaliklar kesimidagi o‘zgarishlar baholangan. Tahlillar natijasida uzumchilik tarmog‘i aholi bandligi va daromadlarini oshirishda muhim iqtisodiy ahamiyatga ega ekanligi aniqlangan. Shu bilan birga, tarmoqda suv resurslari taqchilligi, saqlash va qayta ishlash infratuzilmasining yetarli rivojlanmaganligi hamda agrotexnologik muammolar mavjudligi asoslab berilgan. Tadqiqotda uzumchilikni barqaror rivojlantirish, dehqon va tomorqa xo‘jaliklari daromadlarini oshirish hamda oziq-ovqat xavfsizligini ta’minlashga qaratilgan ilmiy-amaliy takliflar ishlab chiqilgan. Mazkur tadqiqotning ilmiy yangiligi uzumchilik tarmog‘ining aholi daromadlariga ta’sirini Samarqand viloyati misolida iqtisodiy-statistik jihatdan kompleks baholanganligi bilan izohlanadi.