2-ТУР ҚАНДЛИ ДИАБЕТЛИ БЕМОРЛАРДА АПИКАЛ ПЕРИОДОНТИТНИНГ КЛИНИК ХУСУСИЯТЛАРИ ВА ЭНДОДОНТИК ДАВОЛАШ НАТИЖАЛАРИНИ БАҲОЛАШ: АДАБИЁТЛАРНИНГ ТАҲЛИЛИЙ ШАРҲИ
Annotatsiya
2-тур қандли диабетли беморларда апикал периодонтитни баҳолаш маҳаллий инфекция, периапикал тўқималарнинг ҳолати ва гликемик назорат кўрсаткичларини биргаликда таҳлил қилишни талаб этади. Мақоланинг мақсади диабет фонidagi апикал периодонтитнинг клиник хусусиятларини, эндодонтик даволашдан кейинги тикланиш натижаларини ва уларни баҳолаш мезонларини илмий адабиётлар асосида таҳлил қилишдан иборат. Проспектив, ретроспектив ва кўндаланг кесимли клиник тадқиқотлар уларнинг дизайни, диагностик усули, кузатув давомийлиги ҳамда натижани белгилаш мезонлари бўйича қиёсий ўрганилди. Таҳлилда оғриқнинг камайиши, клиник белгиларнинг бартараф бўлиши, рентгенологик тикланиш ва тишнинг функционал сақланиши алоҳида натижалар сифатида қаралди. Диабетга оид кўрсаткичлар маҳаллий эндодонтик омиллар билан боғлиқ ҳолда талқин қилинди. Гликемик назоратнинг етарли бўлмаслиги айрим тадқиқотларда периапикал тикланишнинг камроқ қулай натижалари билан боғланган, бироқ бу муносабат барча клиник кузатувларда бир хил намоён бўлмаган. Эндодонтик даволаш натижасини ишончли баҳолаш учун бошланғич ҳолатни қайд этиш, клиник ва рентгенологик маълумотларни таққослаш, реставрация сифатини ҳисобга олиш ҳамда режалаштирилган кузатувни таъминлаш муҳим.
Hali tarjima qilinmagan