AQLLI EKOLOGIK BOSHQARUV TIZIMLARIDA SUN'IY INTELLEKTDAN FOYDALANISH ORQALI CHIQINDILARNI KAMAYTIRISH MEXANIZMLARINI ISHLAB CHIQISH
Annotatsiya
Ushbu tezisda aqlli ekologik boshqaruv tizimlarida sun'iy intellekt texnologiyalaridan foydalanish orqali chiqindilarni kamaytirish mexanizmlari tahlil qilinadi. Chiqindilar miqdorini prognozlash, ularni avtomatik saralash, yig'ish va tashish yo'nalishlarini optimallashtirish hamda qayta ishlash jarayonlarini takomillashtirishda sun'iy intellektning imkoniyatlari yoritiladi. Shuningdek, ekologik ma'lumotlarni tahlil qilish asosida resurslardan samarali foydalanish, transport xarajatlarini kamaytirish va atrof-muhitga salbiy ta'sirni cheklash yo'llari ko'rib chiqiladi. Tadqiqot natijalari aqlli ekologik boshqaruv tizimlarini rivojlantirish va barqaror ekologik muhitni shakllantirish bo'yicha amaliy takliflarni ishlab chiqishga xizmat qiladi.