CHEGARAVIY HISOBLASHLAR TIZIMLARIDA HISOBLASHLARNI YUKLASH JARAYONIDA BLOKCHEYN TEXNOLOGIYASINING O‘RNI: TIZIMLI ADABIYOTLAR SHARHI
Annotatsiya
Ushbu maqolada chegaraviy hisoblashlar (Edge Computing), hisoblashlarni yuklash (Computational Offloading) va blokcheyn texnologiyalarining o‘zaro integratsiyasi hamda ushbu yo‘nalishdagi mavjud tadqiqotlar tahlil qilinadi. Dastlab chegaraviy hisoblashlar, hisoblashlarni yuklash va blokcheyn texnologiyasining asosiy xususiyatlari ko‘rib chiqilib, keyinchalik blokcheyn asosidagi hisoblashlarni yuklash yondashuvlari xavfsizlik, ishonch, maxfiylik, resurslarni taqsimlash va samaradorlik mezonlari bo‘yicha qiyosiy tahlil qilinadi. Tahlil natijasida real muhitda validatsiya, dinamik va geterogen chegaraviy muhitlari, xavfsizlik tahlili hamda blokcheyn texnologiyasining qo‘shimcha yuklamasini kamaytirish muhim tadqiqot yo‘nalishlari sifatida aniqlandi.