BIOIQTISODIYOTNI RIVOJLANTIRISHDA HUDUDIY AGRAR IXTISOSLASHUV SAMARADORLIGI: DAROMADLAR BARQARORLIGI VA BOZOR XATARLARI ASOSIDA USTUVOR YOʻNALISHLARNI BELGILASH
Litsenziya: cc-by
Annotatsiya
Maqolada hududiy agrar ixtisoslashuv bioiqtisodiyotning biomassa va bioresurs bazasi sifatida koʻrib chiqildi hamda uning samaradorligi daromadlar barqarorligi va bozor xatarlari mezonlari asosida baholandi. Bioiqtisodiyot, sirkulyar iqtisodiyot va portfel nazariyasiga oid xalqaro adabiyotlar umumlashtirilib, hududiy ustuvorliklarni belgilashda oʻsish surʼati bilan birga uning tebranuvchanligini hisobga olish zarurligi asoslandi. Milliy statistika qoʻmitasining 2016-2024-yillardagi hududiy qishloq xoʻjaligi mahsulotlari maʼlumotlari boʻyicha oʻrtacha yillik nominal oʻsish, standart chetlanish, variatsiya koeffitsiyenti va riskka moslashtirilgan koʻrsatkich hisoblandi. Tahlil Qoraqalpogʻiston Respublikasi va 12 viloyatni qamrab olgan. Namangan va Qashqadaryo viloyatlarida oʻsish nisbatan barqaror kechgani, Fargʻona viloyatida yuqori oʻsish kuchli tebranish bilan birga shakllangani aniqlandi. Natijalar asosida bioenergetika, biomahsulotlarni chuqur qayta ishlash va biooʻgʻitlar ishlab chiqarishni hududlarning barqarorlik darajasiga mos ravishda ustuvorlashtirish boʻyicha amaliy takliflar ishlab chiqildi va konseptual model taklif etildi.