SUN’IY INTELLEKT VA BILIM FALSAFASI: RAQAMLI DAVRDA “BILIM” VA “HAQIQAT” TUSHUNCHALARINING TRANSFORMATSIYASI
Annotatsiya
Maqolada sun’iy intellekt texnologiyalarining jadal rivojlanishi sharoitida “bilim” va “haqiqat” tushunchalarining falsafiy-epistemologik mazmuni o‘zgarishi tahlil qilinadi. Klassik epistemologiyada bilim asoslangan haqiqiy ishonch sifatida talqin etilgan bo‘lsa, raqamli davrda bilim hosil qilishning yangi - algoritmik, ehtimoliy va tarqoq shakllari yuzaga kelmoqda. Maqolada bilimning subyekti, manbasi va asoslanish mexanizmi masalalari, sun’iy intellekt tomonidan generatsiya qilinadigan axborotning epistemik maqomi, “qora quti” muammosi hamda haqiqat mezonlarining o‘zgarishi yoritilgan. Shuningdek, raqamli muhitda epistemik ishonch, tanqidiy tafakkur va epistemik mas’uliyat masalalari tahlil qilinib, ularni ta’minlashning falsafiy-metodologik yo‘llari taklif etilgan.