UNIVERSITET TALABALARIDA MA’NAVIY FAROVONLIK VA RUHIY SALOMATLIK O‘RTASIDAGI MUNOSABATDA PSIXOLOGIK REZILYENTLIKNING VOSITACHILIK ROLI
Annotatsiya
Mazkur maqolada universitet talabalarida ma’naviy farovonlik va ruhiy salomatlik o‘rtasidagi munosabat hamda ushbu jarayonda psixologik rezilyentlikning vositachilik roli nazariy jihatdan tahlil qilinadi. Talabalik davrida yuzaga keladigan akademik stress, ijtimoiy moslashuv qiyinchiliklari va kelajak bilan bog‘liq noaniqliklar sharoitida ma’naviy farovonlik hamda psixologik rezilyentlikning ahamiyatiga alohida e’tibor qaratiladi. Ma’naviy farovonlikning ekzistensial va diniy komponentlari, psixologik rezilyentlikning qiyinchiliklarga moslashishdagi vazifalari hamda ularning ruhiy salomatlik bilan aloqasi ilmiy adabiyotlar asosida yoritiladi. Shuningdek, psixologik rezilyentlikni ma’naviy farovonlik va ruhiy salomatlik o‘rtasidagi munosabatni tushuntiruvchi ehtimoliy vositachi omil sifatida ko‘rib chiqishning nazariy asoslari bayon etiladi. Maqola xulosalari universitet talabalarining psixologik farovonligini qo‘llab-quvvatlashga qaratilgan ilmiy-amaliy yondashuvlarni ishlab chiqish uchun nazariy asos bo‘lib xizmat qilishi mumkin.
Hali tarjima qilinmagan