НОСПЕЦИФИК ЯРАЛИ КОЛИТДА КОНСЕРВАТИВ ВА ЖАРРОҲЛИК ДАВОЛАШ ГУРУҲЛАРИНИНГ МИКРОНУТРИЕНТ ҲОЛАТИНИ ҚИЁСИЙ БАҲОЛАШ
Annotatsiya
Резюме. Носпецифик ярали колитли 105 нафар бемор ва 30 нафар амалий соғлом шахсда микронутриент ҳолати қиёсий баҳоланган. Консерватив даволаш гуруҳига 74 нафар, жарроҳлик даволаш гуруҳига 31 нафар бемор киритилган. Бошланғич лаборатор натижалар консерватив гуруҳда даволашдан олдин, жарроҳлик гуруҳида операциядан олдин таҳлил қилинган. Жарроҳлик гуруҳида темир, рух, магний, кальций, 25(OH)D, B₁₂ витамини ва фолий кислотасининг ўртача миқдори консерватив гуруҳга нисбатан паст, мис миқдори эса юқори бўлган. Клиник оғирлик даражаларининг тақсимоти гуруҳлар ўртасида аҳамиятли фарқ қилмаган (p=0,243), аммо эндоскопик фаоллик ва зарарланишнинг тарқалиши бўйича фарқлар аниқланган. Микронутриентлар миқдори клиник оғирлик даражалари бўйича статистик аҳамиятли фарқ қилмаган. Натижалар микронутриент ҳолатини клиник ва эндоскопик кўрсаткичлар билан биргаликда индивидуал баҳолаш зарурлигини кўрсатган. Калит сўзлар: носпецифик ярали колит, микронутриент ҳолати, темир, рух, магний, D витамини, эндоскопик фаоллик, клиник оғирлик.
Hali tarjima qilinmagan