O'ZBEKISTONDA DAVLAT MOLIYAVIY NAZORATI TIZIMINI RAQAMLI TRANSFORMATSIYALASH ORQALI UNING NATIJADORLIGINI OSHIRISH ISTIQBOLLARI (FARG'ONA VILOYATI EMPIRIK MA'LUMOTLARI MISOLIDA)
Annotatsiya
Mazkur tadqiqotda Farg'ona viloyatining 2025-yilgi mahalliy budjeti ijrosiga oid empirik ma'lumotlar asosida O'zbekistonda budjet tashkilotlarining moliyaviy nazorati tizimidagi strukturaviy muammolar miqdoriy baholangan hamda ularni bartaraf etishning raqamli mexanizmlari ishlab chiqilgan. Tahlillarga ko'ra, 2015–2025-yillarda respublika budjeti xarajatlari 8,7 baravarga ortib (51,3 trln so'mdan 447,8 trln so'mga), nazorat organlari xodimlari shtati 30 foizdan ziyodga qisqargan bir sharoitda Hisob palatasi tomonidan 2025-yilda 7 714,1 mlrd so'mlik moliyaviy nomuvofiqliklar qayd etilgan. Farg'ona viloyati kesimidagi tahlil shuni ko'rsatadiki, kommunal xarajatlar, hisobvaraq-fakturalar integratsiyasi, JSHODS va ijtimoiy soliq, musodara qilingan mulklar hamda mahalliy budjet qarorlari nazorati yo'nalishidagi uzilishlar UzASBO-2 tizimidagi ma'lumotlar integratsiyasining yetarli darajada rivojlanmagani bilan bog'liq bo'lib, bir yil davomida 497 mlrd so'mdan ortiq moliyaviy yo'qotishlar bilan bog'liq holatlarni yuzaga keltirgan. Ilg'or xalqaro tajriba (dBrain+, CHORUS, GovERP) va milliy qonunchilikni tahlil qilish asosida mavjud muammolarni bartaraf etishga qaratilgan besh modulli raqamli integratsiya modeli taklif etiladi.