TEMURIYLAR DAVRI SIYOSIY TARIXIDA ABU BAKR MIRZO
Annotatsiya
Mironshohning oʻgʻli Abu Bakr Mirzo faoliyati Temuriylar davri siyosiy tarixida muhim oʻrin tutadi. U Amir Temurning nabirasi sifatida XIV asr oxiri – XV asr boshlarida Movarounnahr va Eron hududlaridagi siyosiy jarayonlarda faol ishtirok etgan. Abu Bakr Mirzo otasi Mironshoh bilan birgalikda Temuriylar davlatining gʻarbiy hududlarini boshqarishda qatnashib, markaziy hokimiyatni mustahkamlashga xizmat qilgan. Uning faoliyati Temuriylar oʻrtasidagi ichki kurashlar, taxt uchun nizolar hamda davlat boshqaruvi jarayonlari bilan chambarchas bogʻliqdir. Mazkur maqolada Abu Bakr Mirzoning siyosiy faoliyati, harbiy yurishlardagi ishtiroki va Temuriylar davlati tarixidagi oʻrni tarixiy manbalar asosida tahlil qilinadi.