CICHORIUM INTYBUS L. NING TURLI EKOLOGIK HUDUDLARDAGI POPULYATSIYALARI MORFO-BIOLOGIYASINING QIYOSIY TAHLILI
Annotatsiya
Mazkur maqolada Asteraceae oilasiga mansub Cichorium intybus L. - oddiy sachratqi turining turli ekologik hududlarda uchraydigan populyatsiyalari morfo- biologik xususiyatlarini qiyosiy o‘rganishning nazariy va metodik asoslari tahlil qilingan. Turning geografik tarqalishi, ekologik xususiyatlari, vegetativ va generativ organlarining morfologik belgilari, fenologik rivojlanishi hamda tashqi muhit omillariga javob reaksiyalari ilmiy manbalar asosida yoritilgan. Qurg‘oqchil tekisliklar, sug‘oriladigan agroekotizimlar, tog‘oldi hududlari va tog‘ mintaqalarida uchraydigan populyatsiyalarni qiyoslash uchun morfometrik ko‘rsatkichlar tizimi ishlab chiqilgan. O‘simlik balandligi, barg plastinkasining uzunligi va eni, poyaning shoxlanish darajasi, savatchalar soni, gullash muddatlari va meva hosil bo‘lishi kabi belgilarni ekologik omillar bilan birgalikda baholash zarurligi asoslangan. Shuningdek, fenotipik plastiklikni irsiy o‘zgaruvchanlikdan farqlash, dala kuzatuvlarini standartlashtirish va statistik tahlilning ishonchliligini ta’minlash masalalari ko‘rib chiqilgan. Tadqiqot natijalari sachratqi populyatsiyalarining ekologik xususiyatlarini kelgusida empirik o‘rganish uchun metodik asos bo‘lib xizmat qiladi.