G‘O‘ZA EKIB-O‘STIRISHDA KUZATILAYOTGAN O‘ZGARISHLARNING STRATEGIK AHAMIYATI
Litsenziya: cc-by
Annotatsiya
Tadqiqotda kuzgi bug‘doyni g‘o‘za qator oralariga shudgorsiz ekish hamda g‘o‘zapoyadan tozalanib, kuzgi shudgor o‘tkazilgan maydonga ekish usullaridagi agrobiotsenoz ko‘rsatkichlari taqqoslandi. Xorazm viloyatida (2022-yil) shira, zararli xasva va tripslar zichligi, Toshkent viloyatida (2022–2023-yillar) kuzgi tunlam qurtlari va g‘o‘za tunlami kapalaklari soni baholandi. Shudgorsiz ekilgan variantda ayrim kuzatuv sanalarida zararkunandalar soni yuqori bo‘ldi. G‘o‘zada vilt bilan zararlanish ko‘rsatkichlari yaqin (6,9–7,2%) bo‘lgani qayd etildi. Foydali entomofaglar va paxtani mexanizatsiyalashgan usulda terishga doir dala kuzatuvlari ham tavsiflandi. Natijalar ko‘rsatilgan kuzatuv sharoitlari doirasida talqin qilindi.