BOSHLANGʻICH SINF OʻQUVCHILARINING INGLIZ TILIDA TINGLAB TUSHUNISH KOMPETENSIYASINI SHAKLLANTIRISH VOSITALARINING METODIK TAVSIFI
Litsenziya: cc-by
Annotatsiya
Metodik adabiyotlarda tinglab tushunish vositalari alohida-alohida oʻrganilgan, ularni kompetensiya tarkibi bilan bogʻlaydigan tizim esa ishlab chiqilmagan. Tadqiqotda 3–4-sinf oʻquvchilarining ingliz tilida tinglab tushunish kompetensiyasini shakllantirish vositalari lingvistik-fonologik, kognitiv-protsessual, strategik-metakognitiv va kommunikativ-pragmatik komponentlar bilan bogʻlangan holda olti guruhga ajratildi, ularni tanlashning yetti mezoni aniqlandi. “Vosita – komponent” matritsasi birorta vosita toʻrt komponentni birdek rivojlantirmasligini, strategik-metakognitiv komponent esa eng kam qoʻllab-quvvatlanishini koʻrsatdi. Vositalarning tinglash bosqichlariga taqsimlanish sxemasi ularni bir darsda izchil uygʻunlashtirish va tayanchni bosqichma-bosqich kamaytirish imkonini beradi.