TIJORAT BANKLARI FAOLIYATIGA SUN’IY INTELLEKT TEXNOLOGIYALARINI JORIY ETISH SAMARADORLIGINI OSHIRISH
Litsenziya: cc-by
Annotatsiya
Maqolada tijorat banklari faoliyatiga sun’iy intellekt texnologiyalarini joriy etish samaradorligini oshirishning nazariy va amaliy asoslari yoritilgan. Bank xizmatlarini raqamlashtirish sharoitida sun’iy intellektdan foydalanishning iqtisodiy ahamiyati, boshqaruv jarayonlariga ta’siri hamda moliyaviy xizmatlar sifatini yaxshilashdagi o‘rni tahlil qilingan. Tadqiqotda kredit risklarini baholash, firibgarlik holatlarini aniqlash, mijozlar bilan o‘zaro aloqalarni takomillashtirish, operatsion xarajatlarni kamaytirish va bank xizmatlarini individuallashtirish yo‘nalishlariga alohida e’tibor qaratilgan. Shuningdek, mashinaviy o‘qitish, tabiiy tilni qayta ishlash, intellektual chatbotlar va prognozlash algoritmlarining bank operatsiyalariga ta’siri ko‘rib chiqilgan. Sun’iy intellekt texnologiyalarini joriy etish samaradorligini baholashda xarajatlar va daromadlar nisbati, operatsiyalarni bajarish tezligi, kredit risklarini aniqlash aniqligi, firibgarlik holatlarini kamaytirish darajasi hamda mijozlar qoniqishi kabi ko‘rsatkichlardan foydalanish yondashuvi asoslangan. Tadqiqot davomida tizimli va qiyosiy tahlil, ilmiy adabiyotlarni o‘rganish, mantiqiy umumlashtirish hamda iqtisodiy ko‘rsatkichlarni baholash usullariga tayaniladi. Tahlillar asosida sun’iy intellektni bank faoliyatiga integratsiya qilishda ma’lumotlar sifati, axborot xavfsizligi, algoritmik xatolar, malakali mutaxassislar еtishmasligi va texnologik xarajatlar bilan bog‘liq muammolar aniqlashtiriladi.
Hali tarjima qilinmagan