BALAND BO‘YLI O‘SIMLIKLARNI ZARARLI ORGANIZMLARDAN HIMOYA QILISHNING YECHIMI
Litsenziya: cc-by
Annotatsiya
Maqola ayrim baland bo‘yli o‘simliklarni (makkaxo‘jori, sorgo hamda kungaboqar zararkunandalardan ularning hayot kechirishi va zararini inobatga olgan holda, yangi texnologiyada himoya qilishga bag‘ishlangan. Makkajo‘xorini asosan 3 ta kemiruvchi zararkunandaga shikastlaydi – bu g‘o‘za tunlami, makkajo‘xori barg tunlami- leukaniya va makkajo‘xori poya parvonasi. Bularning tarqalganligi, moslashganligi va zarari shundayki, qo‘lay sharoitlarda hamda o‘simlik himoya qilinmaganida zarari 56-60 va hatto 80% gacha yetadi (don va poyasi). Maqolada bularning har biriga to‘xtab o‘tilib, ularga qarshi biologik vositalar hamda insektitsidlar sinab ko‘rish natijalari o‘rin olgan. Bularning har biridan yuqori samara olish shartlari ko‘rsatib o‘tilgan. Bunday o‘simliklarni yangicha usulda himoya qilish texnologiyasi negizida ekin qator orasidan traktor mexanizmi o‘tishi mumkin bo‘lgan holda ekin ekish tizimi yotadi. Yani har 28 qator ekin orasida 6-8 qatori past bo‘yli o‘simliklarni ekish uchun qoldirilib, keyinchalik u yerda OVX-28 rusumli toraktor purkagichi o‘tishi mumkinligiga mo‘ljallangan. Makkajo‘xorini himoya qilish uchun mavsumda jami 4-5 ta ishlov berishga to‘g‘ri keladi. Bunda o‘simliklarni himoya qilishga sarflangan har bir so‘m evaziga 4,5-12 so‘mlik qo‘shimcha mahsulot olish mumkin.