СУНЪИЙ ИНТЕЛЛЕКТ ТЕХНОЛОГИЯЛАРИДАН ФОЙДАЛАНИБ СОДИР ЭТИЛАДИГАН ЖИНОЯТЛАР УЧУН ЖАВОБГАРЛИКНИ БЕЛГИЛАШ БЎЙИЧА ХОРИЖИЙ ДАВЛАТЛАР ТАЖРИБАСИ ВА ҲУҚУҚНИ ҚЎЛЛАШ АМАЛИЁТИ
Annotatsiya
Мазкур мақолада сунъий интеллект технологияларини жиноий жавобгарлик субъекти сифатида эътироф этиш билан боғлиқ назарий ва амалий муаммолар Ўзбекистон Республикасининг жиноят қонунчилиги, замонавий жиноят-ҳуқуқий доктрина ҳамда хорижий ҳуқуқшунос олимларнинг илмий қарашлари асосида таҳлил қилинган. Тадқиқотда сунъий интеллект тизимларининг автономлиги ва адаптивлиги шароитида жиноий жавобгарлик субъектини аниқлаш, айб шаклини белгилаш, зарарли оқибатларни олдиндан кўра билиш, сабабий боғланишни исботлаш ҳамда инсон назоратининг ҳуқуқий аҳамияти билан боғлиқ масалалар ёритилган. Шунингдек, сунъий интеллект тизимларини ишлаб чиқувчи, жорий этувчи, оператор ва фойдаланувчилар ўртасида жиноий жавобгарлик чегараларини белгилаш, жиноятда иштирокчилик институтини қўллаш, асосли таваккалчиликни жиноий эҳтиётсизликдан фарқлаш ҳамда трансчегаравий ҳуқуқбузарликларни квалификация қилиш муаммолари тадқиқ этилган. Миллий қонунчилик нормалари ва хорижий илмий концепцияларни қиёсий таҳлил қилиш асосида сунъий интеллектнинг мустақил жиноят субъекти сифатида эътироф этилмаслиги, жиноий жавобгарлик эса инсоннинг айби, функционал роли, ҳуқуқий мажбуриятлари ва реал назорат имкониятларига асосланиши лозимлиги илмий жиҳатдан асосланган.
Hali tarjima qilinmagan