ILOVA KONSTRUKSIYALARIDA SEMANTIK BOG‘LANISH VA MAZMUNIY MUNOSABATLAR
Annotatsiya
Mazkur maqolada ingliz va o‘zbek tillaridagi ilova konstruksiyalarining semantik tabiati, asosiy ifoda va ilovali element o‘rtasidagi mazmuniy munosabatlar hamda ilovali elementning kommunikativ vazifalari tahlil qilinadi. Ilova konstruksiyasining asosiy ifodaga semantik jihatdan bog‘langan, biroq nisbiy kommunikativ mustaqillikka ega birlik sifatidagi xususiyatlari ochib beriladi. Ingliz tilshunosligida appositive, supplement, parenthetical, afterthought kabi tushunchalar doirasida olib borilgan tadqiqotlar hamda o‘zbek tilshunosligida ilova va parsellyativ qurilmalar bo‘yicha shakllangan qarashlar qiyosiy jihatdan ko‘rib chiqiladi. Tadqiqotda ilovali elementlarning identifikatsiyalovchi, tavsiflovchi, izohlovchi va baholovchi semantik imkoniyatlari badiiy matn misollari asosida aniqlanadi.