SUGʻORILADIGAN MAYDONLARDA NOʻXATNI ILDIZ CHIRISH KASALLIGI VA UNGA QARSHI KURASH CHORALARI
Litsenziya: cc-by
Annotatsiya
Maqolada sugʻoriladigan maydonlarda noʻxat (Cicer arietinum L.) ekinining ildiz chirish kasalligiga qarshi urugʻdori preparatlarning biologik samaradorligi oʻrganilgan. Tadqiqotlar 2022–2024-yillarda Toshkent viloyati Qibray tumani Oʻsimliklar karantini va himoyasi ilmiy-tadqiqot instituti tajriba maydonida hamda “Turkiston Shernazarova Nargiza” fermer xoʻjaligida oʻtkazildi. Nazorat variantida ildiz chirish kasalligining tarqalishi 17,6%, rivojlanishi 8,3% boʻldi. Kimyoviy preparatlar (Maksim XL 035 FS, Selest top 312 FS) qoʻllanilgan variantlarda kasallik tarqalishi 2,1–2,9% ni, biologik samaradorlik esa 83,5–88,1% ni tashkil etdi. Mikrobiologik preparatlarning (Bactvipe, Shild, Sanjeevni) samaradorligi 70,4–74,4% boʻldi. Urugʻni ekishdan oldin sinovdan oʻtkazilgan urugʻdori preparatlar bilan dorilab ekish tavsiya etiladi.