ANTIBIOTIKLARNI SAQLASH SHAROITLARI VA ULARDAN FOYDALANISHDAGI XATOLARNING AHOLI SALOMATLIGIGA TA’SIRI

Ushbu maqolada antibiotiklarni saqlash sharoitlariga rioya qilish hamda ulardan foydalanish jarayonida uchraydigan xatolarning aholi salomatligiga ta’siri tahlil qilinadi. Antibiotiklarning samaradorligi nafaqat ularning to‘g‘ri tanlanishi va belgilangan dozada qo‘llanilishiga, balki saqlash sharoitlarining tegishli talablarga muvofiq bo‘lishiga ham bog‘liq. Harorat, namlik, yorug‘lik, qadoqning butunligi va yaroqlilik muddatiga rioya qilmaslik dori vositasining sifat va barqarorligiga salbiy ta’sir ko‘rsatishi mumkin. Shuningdek, antibiotiklarni shifokor tavsiyasisiz qabul qilish, dozani o‘zboshimchalik bilan o‘zgartirish, davolash rejimiga rioya qilmaslik, virusli infeksiyalarda antibiotiklardan foydalanish va qolgan preparatlarni keyinchalik qo‘llash kabi xatolar keng tarqalgan muammolardan hisoblanadi. Mazkur holatlar davolash samaradorligining pasayishi, nojo‘ya ta’sirlarning yuzaga kelishi va antimikrob rezistentlikning rivojlanishiga olib kelishi mumkin. Maqolada antibiotiklardan oqilona foydalanish va ularni to‘g‘ri saqlash bo‘yicha aholining xabardorligini oshirishning ahamiyati ham yoritiladi

Hali tarjima qilinmagan