O'TKIR VA SURUNKALI YALLIG'LANISHNING PATOFIZIOLOGIK MEXANIZMLARI VA ULARNING O'ZARO FARQLARI
Annotatsiya
Annotatsiya. Yallig‘lanish organizmning infeksion va noinfeksion shikastlovchi omillarga qarshi himoya reaksiyasi bo‘lib, uning natijasi immun javobning muvozanati va to‘qimalarning tiklanish imkoniyatlariga bog‘liq. Maqolaning maqsadi o‘tkir va surunkali yallig‘lanishning hujayraviy, gumoral, tomir va morfologik mexanizmlarini qiyosiy tahlil qilishdir. Ish yallig‘lanish patofiziologiyasiga oid fundamental manbalar va zamonaviy ilmiy sharhlarning tahliliga asoslangan. O‘tkir yallig‘lanishda tomir reaksiyalari, ekssudatsiya va neytrofillarning ustunligi, surunkali yallig‘lanishda esa mononuklear hujayralarning faolligi, davomli to‘qima shikastlanishi va reparatsiya jarayonlarining birga kechishi ko‘rib chiqiladi. Yallig‘lanish rezolyutsiyasi, fibroz va tizimli reaksiyalarning ahamiyati ham yoritiladi. Yallig‘lanishning yakuniy natijasi sababchi omilning davomiyligi, mediatorlar muvozanati va to‘qimalarning regeneratsiya salohiyati bilan belgilanadi.