O'RTA YOSHDAGI ERKAKLARDA ANDROGEN STATUS BILAN BOG'LIQ ANTROPOMETRIK, FUNKSIONAL VA HAYOT TARZI KO'RSATKICHLARINI STANDARTLASHTIRILGAN BAHOLASH USULI
Annotatsiya
Mazkur uslubiy tavsiyalarda o‘rta yoshdagi erkaklarda androgen status bilan bog‘liq antropometrik, funksional va hayot tarzi ko‘rsatkichlarini standartlashtirilgan baholash usullari keltirilgan. Tavsiyalar testosteron darajasining pasayishi bilan bog‘liq omillarni aniqlash, erkaklar salomatligini kompleks baholash hamda ilmiy tadqiqotlarda yagona metodologik yondashuvni ta’minlash maqsadida ishlab chiqilgan. Uslubiy qo‘llanmada ishtirokchilarni tanlash mezonlari, etik jihatlar, so‘rovnomalarni qo‘llash tartibi, antropometrik va funksional tekshiruvlar, laborator baholash hamda ma’lumotlarni boshqarish va sifat nazorati bo‘yicha tavsiyalar bayon etilgan. Tavsiyalar oliy tibbiyot ta’lim muassasalari professor-o‘qituvchilari, doktorantlar, ilmiy tadqiqotchilar, endokrinologlar, urologlar, oilaviy shifokorlar va sog‘liqni saqlash tizimi mutaxassislari uchun mo‘ljallangan.