GLYCYRRHIZA GLABRA (SHIRINMIYA) O'SIMLIGINING KIMYOVIY VA ELEMENTAR TARKIBI, XALQ TABOBATIDAGI O'RNI
Annotatsiya
Ushbu maqolada xalq orasida shirinmiya nomi bilan tanilgan Glycyrrhiza glabra o'simligining xalq tabobatidagi ahamiyati va kimyoviy tarkibi chuqur o'rganilgan. Tadqiqotlar natijasida ushbu o'simlikning ildizlari va yer usti qismlaridan shifobaxsh xususiyatlarga ega ekanligi aniqlangan. Ayniqsa, o'simlik tarkibidagi triterpenoid saponinlar (glitsirrizin), flavonoidlar va izoflavonoidlar kabi biologik faol birikmalar uning terapevtik xususiyatlarini belgilaydi. Maqolada nafas yo'llari kasalliklari, me'da yarasi va yallig'lanish bilan og'rigan bemorlarni davolashda Glycyrrhiza glabra dan foydalanish usullari ham ko'rsatib o'tilgan. Ushbu o'simlikning keng tarqalganligi va qimmatli xususiyatlari uni zamonaviy farmakologiya va an'anaviy tibbiyot uchun muhim manbaga aylantiradi. Tadqiqot natijalari o'simlikka asoslangan dorivor vositalarni ishlab chiqishga zamin yaratadi.