TOSHKENT VILOYATIDA YANGI TIZIM ASOSIDA QISHLOQ XO'JALIGI YER MAYDONLARIDA SANOATLASHGAN USULDAGI INTENSIV BOG'LAR YARATISH
Annotatsiya
Mazkur tezisda Toshkent viloyati sharoitida qishloq xo‘jaligi yer maydonlaridan samarali foydalanish, past hosilli va iqtisodiy jihatdan samarasiz maydonlarni sanoatlashgan usuldagi intensiv bog‘larga aylantirishning tashkiliy, agrotexnologik va iqtisodiy asoslari yoritilgan. Yangi tizim doirasida hududlarni tuproq-iqlim sharoiti bo‘yicha baholash, texnik-iqtisodiy asos ishlab chiqish, sertifikatlangan ko‘chatlardan foydalanish, zamonaviy suv tejovchi sug‘orish tizimlarini majburiy joriy etish, plantatsiyalarni mexanizatsiyalash, hosilni saqlash, saralash va qayta ishlash bilan bog‘liq yagona qiymat zanjirini shakllantirish masalalari tahlil qilingan. Shuningdek, intensiv bog‘larning yer va suv resurslaridan foydalanish samaradorligi, hosildorlik, mahsulot sifati, eksportboplik va qishloq hududlarida bandlikni oshirishdagi o‘rni ilmiy-amaliy jihatdan asoslangan.