Sunʼiy intellekt va raqamlashtirish sharoitida davlat xizmatchisining ijtimoiy masʼuliyati tahlili

Mazkur maqolada sun’iy intellekt va raqamlashtirish jarayonlarining davlat xizmati institutiga ta’siri hamda ushbu jarayonlar natijasida davlat xizmatchisining ijtimoiy roli, kasbiy maqomi, mas’uliyati va davlat–fuqaro munosabatlaridagi o‘rni transformatsiyasi ijtimoiy-falsafiy nuqtayi nazardan tadqiq etiladi. Raqamlashtirish davlat boshqaruvida faqat texnik vositalarning yangilanishi emas, balki hokimiyat, boshqaruv, mas’uliyat, ishonch, insoniylik va ijtimoiy adolat tushunchalarining mazmunini qayta ko‘rib chiqishni talab qiladigan murakkab ijtimoiy jarayon sifatida talqin qilinadi. Tadqiqotda sun’iy intellektning davlat boshqaruviga kirib kelishi natijasida davlat xizmatchisining an’anaviy ma’muriy-ijrochi funksiyasi transformatsiyaga uchrab, uni algoritmik qarorlarni baholovchi, texnologik jarayonlarni nazorat qiluvchi, fuqaro manfaatlarini himoya qiluvchi va davlat hamda jamiyat o‘rtasidagi yangi turdagi raqamli vositachilikni amalga oshiruvchi subyektga aylantirayotgani asoslanadi. Maqolada “algoritmik mas’uliyat”, “raqamli mediator”, “kritik ishonch”, “insoniy nazorat” va “algoritmik legitimlik” tushunchalari konseptual kategoriyalar sifatida tahlil qilinadi. Sun’iy intellektning davlat boshqaruvidagi samaradorligi uning texnik imkoniyatlari bilangina emas, balki inson huquqlari, ijtimoiy adolat, shaffoflik, hisobdorlik va davlat institutlariga bo‘lgan ishonchni saqlash imkoniyati bilan belgilanadi, degan xulosaga kelinadi.

Hali tarjima qilinmagan