Boʻlajak ingliz tili oʻqituvchilarida tanqidiy fikrlashni baholash: nazariy yondashuv
Annotatsiya
Bo‘lajak ingliz tili o‘qituvchilarida tanqidiy fikrlash kompetensiyasini baholash zamonaviy oliy ta‘limning dolzarb muammolaridan biri hisoblanadi. Mavjud baholash tizimlari ko‘pincha bilimni yod olish va reproduktiv ko‘nikmalarni o‘lchash bilan cheklanib, tanqidiy fikrlashning yuqori darajadagi kognitiv komponentlari — tahlil, baholash, xulosa chiqarish — e‘tibordan chetda qolmoqda. Ushbu tezisda tanqidiy fikrlash kompetensiyasini baholashning uchta mezonli nazariy modeli taqdim etiladi: kognitiv mezon, reflektiv-metakognitiv mezon va kommunikativ-dialogik mezon. Portfolioga asoslangan baholash, reflektiv kundaliklar tahlili va muammoli vaziyatlarga asoslangan topshiriqlarni o‘z ichiga olgan kompleks metodologiya tavsiya etiladi.