RANGLI ZIRAVORLARNING TABIIY PIGMENT TARKIBI VA RANG KO‘RSATKICHLARI O‘RTASIDAGI BOG‘LIQLIK — SINTETIK BO‘YOQLAR BILAN QALBAKILASHTIRISHNING TOVARSHUNOSLIK-KIMYOVIY DIAGNOSTIK BELGISI SIFATIDA
Annotatsiya
Ziravorlar birlik massasiga nisbatan eng qimmat oziq-ovqat xomashyolari qatoriga kirib, ko‘p bosqichli va geografik jihatdan tarqoq ta’minot zanjiriga ega bo‘lganligi sababli iqtisodiy sabablarga ko‘ra qalbakilashtirishga eng moyil tovar guruhlaridan biridir [1]. Yevropa Komissiyasining ogohlantirish va hamkorlik tarmog‘i hisobotlarida ziravorlar guruhida ruxsat etilmagan rang beruvchilar (Sudan bo‘yoqlari, Orange II, rodamin B) bo‘yicha firibgarlik gumonlari doimiy qayd etilmoqda [2]. Sudan I–IV, Para Red, rodamin B va metanil sariq oziq-ovqatda qo‘llanishi ta’qiqlangan sanoat bo‘yoqlari bo‘lib, ular uchun xavfsiz konsentratsiya darajasi belgilanmagan [3]; zarchavaga qo‘shiladigan qo‘rg‘oshin xromati esa aholining qo‘rg‘oshin bilan zaharlanishi manbai ekani isbotlangan [4].
Hali tarjima qilinmagan