INGLIZ BADIIY MATNLARIDAGI REALIYALARNI O‘ZBEK TILIGA TARJIMA QILISHNING LINGVOKULTUROLOGIK JIHATLARI
Litsenziya: cc-by
Annotatsiya
Mazkur tezisda ingliz badiiy matnlarida uchraydigan milliy-madaniy xoslangan leksik birliklar – realiyalarning o‘zbek tiliga tarjima qilinishi lingvokulturologik nuqtai nazardan tahlil qilinadi. Realiya tushunchasi, uning tasnifi hamda S. Vlaxov va S. Florin, V. N. Komissarov, P. Nyumark, L. Venuti kabi olimlarning qarashlari asosida tarjima usullari qiyosiy o‘rganiladi. Transkripsiya, kalka, yaqin muqobil, tasviriy tarjima, umumlashtirish va izohli tarjima usullarining qo‘llanish shartlari ingliz-o‘zbek tarjimasi misolida ko‘rsatib beriladi. Tahlil natijasida realiyani tarjima qilishda usul tanlash uning matndagi vazifasi, kitobxonning fon bilimlari, asarning janri va uslubi hamda tushunchaning tarjima tilida o‘zlashganlik darajasiga bog‘liq ekanligi asoslanadi. Xulosada tarjimonlar uchun amaliy tavsiyalar beriladi.