Korxonalarda mehnat muhofazasi tizimini sunʼiy intellekt asosida takomillashtirishning nazariy va uslubiy asoslari
Litsenziya: cc-by
Annotatsiya
Ushbu tezis korxonalarda mehnat muhofazasi tizimini sun’iy intellekt (SI) texnologiyalari asosida takomillashtirishning nazariy va uslubiy asoslarini ishlab chiqishga bag‘ishlangan. Tadqiqotning dolzarbligi mavjud mehnat muhofazasi tizimlarining reaktiv xususiyati, inson omili bilan bog‘liq xatolar va ma’lumotlarni qayta ishlashdagi cheklovlar bilan bog‘liq muammolarni hal qilish zarurati bilan belgilanadi. Tezisda SI texnologiyalarining (mashinani o‘rganish, kompyuter ko‘rishi, tabiiy tilni qayta ishlash, IoT) mehnat muhofazasidagi imkoniyatlari atroflicha tahlil qilinadi. Tadqiqot natijasida SI asosidagi mehnat muhofazasi tizimining kontseptual modeli va uni korxonalarda joriy etish bo‘yicha uslubiy tavsiyalar ishlab chiqilgan. Ushbu tezisda taklif etilgan yondashuvlar mehnat sharoitlarini yaxshilash, baxtsiz hodisalar va kasb kasalliklari xavfini kamaytirish, shuningdek, ishlab chiqarish samaradorligini oshirishga xizmat qiladi.