BMT koʻp tilli institutsional diskursida terminologik variativlik, semantik ekvivalentlik va uygʻunlashtirish mexanizmlarining korpus asosidagi tadqiqi
Annotatsiya
Mazkur maqolada Birlashgan Millatlar Tashkiloti ko‘p tilli institutsional diskursida terminologik variativlik, semantik ekvivalentlik hamda terminlarni uyg‘unlashtirish mexanizmlarini maxsus parallel korpus asosida tadqiq etish masalalari yoritiladi. Tadqiqotning asosiy muammosi bir institutsional konseptning turli tillarda bir necha terminologik variantlar orqali ifodalanishi va mazkur variantlarning semantik hajmi, funksional xususiyati hamda institutsional maqomi har doim ham o‘zaro to‘liq mos kelmasligi bilan belgilanadi. Natijada tarjima matnlarida terminologik variativlik ayrim hollarda tabiiy lingvistik hodisa sifatida namoyon bo‘lsa, boshqa hollarda semantik noaniqlik va terminologik nomuvofiqlikni yuzaga keltirishi aniqlandi.
Hali tarjima qilinmagan