SHO‘RLANGAN TUPROQLARDA PGPR BAKTERIYALARINING O‘SIMLIK CHIDAMLILIGINI OSHIRISH MEXANIZMLARI VA ULARNING WITHANIA SOMNIFERA UCHUN ISTIQBOLLARI
Annotatsiya
Ushbu maqolada o‘simliklarning sho‘rlanishga chidamliligini oshirishda o‘simliklarning o‘sishini rag‘batlantiruvchi rizobakteriyalar (PGPR) ishtirokidagi mexanizmlar ko‘rib chiqilgan. Jumladan, fitogormonlar, xususan, indol-3-sirka kislotasi (IAA) sintezi, ACC-dezaminaza fermenti faolligi hamda o‘simliklardagi ionlar tarkibining boshqarilishi tahlil qilingan. Sho‘rlanish darajasi 4,5 dS/m bo‘lgan sharoitda bakteriyalar bilan inokulyatsiya qilish Withania somnifera o‘simligida viterferin A miqdorining oshishiga olib kelgani aniqlangan. Biroq NaCl konsentratsiyasining turli gradientlarida, bir nechta vitanolidlar miqdorining o‘zgarishi hamda O‘zbekiston sharoitidagi tadqiqotlar bo‘yicha ma’lumotlar hozircha cheklangan. Tadqiqotda PGPR shtammlarini tanlash mezonlari va ularni bosqichma-bosqich skrining qilish usullari taklif etilgan.