Maktab direktorlarining boshqaruv koʻnikmalarini rivojlantirish boʻyicha xorijiy (Finlandiya, Singapur va Janubiy Koreya) va milliy tajriba tahlili
Litsenziya: cc-by
Annotatsiya
Mazkur maqolada maktab direktorlarining boshqaruv ko‘nikmalarini rivojlantirish bo‘yicha xorijiy va milliy tajribalar qiyosiy tahlil qilindi. Xorijiy tajriba sifatida Finlandiya, Singapur va Janubiy Koreya ta’lim tizimlarida maktab rahbarlarini tayyorlash, kasbiy rivojlantirish, mentorlik, strategik boshqaruv, o‘quv jarayoniga yetakchilik qilish hamda maktab jamoasini rivojlantirish amaliyotlari o‘rganildi. Milliy tajriba sifatida O‘zbekiston Respublikasida maktabgacha va maktab ta’limi xodimlarini uzluksiz kasbiy rivojlantirish tizimi, A.Avloniy nomidagi pedagogik mahorat milliy instituti faoliyati hamda rahbar kadrlar malakasini oshirish jarayonlari tahlil qilindi. Tadqiqotda qiyosiy tahlil, tizimli yondashuv, kontent-tahlil va umumlashtirish metodlaridan foydalanildi. Maqolada maktab direktorlarining boshqaruv kompetensiyalarini rivojlantirish uchun milliy modelni takomillashtirish bo‘yicha ilmiy-amaliy takliflar ishlab chiqildi.