Raqamli turizmda isteʼmolchilarning xattiharakatlari boʻyicha nazariy yondashuvlar
Litsenziya: cc-by
Annotatsiya
Raqamli iqtisodiyot sharoitida turizm sohasining jadal transformatsiyasi iste’molchilarning xatti-harakatlari mazmuni, shakli va qaror qabul qilish mexanizmlarida tub o‘zgarishlarni yuzaga keltirmoqda. An’anaviy turizm bozorida turist qarorlari asosan oflayn axborot manbalari, turoperatorlar tavsiyalari va shaxsiy tajribaga tayangan holda shakllangan bo‘lsa, raqamli turizm muhitida mazkur jarayonlar onlayn platformalar, mobil ilovalar, ijtimoiy tarmoqlar hamda raqamli ma’lumotlar asosida amalga oshirilmoqda. Bu holat iste’molchi xatti-harakatlarini o‘rganishga nisbatan mavjud nazariy yondashuvlarni qayta ko‘rib chiqish va ularni raqamli muhit sharoitiga moslashtirishni taqozo etmoqda.