Evfemizmlar — tilning yashirin hokimiyat quroli sifatida: o‘zbek siyosiy diskursi asosida tanqidiy diskurs tahlili
Litsenziya: cc-by
Annotatsiya
Mazkur tadqiqot evfemizmlarning an'anaviy leksik o‘rin almashtirish funksiyasidan tashqari, mafkuraviy hokimiyat quroli sifatidagi mohiyatini ochib berishga qaratilgan. Tadqiqot obyekti sifatida o‘zbek siyosiy diskursidagi evfemistik birliklar tanlanib, ular tanqidiy diskurs tahlili (CDA) metodologiyasi asosida matn, diskursiv amaliyot va ijtimoiy amaliyot darajalarida tizimli tahlil qilinadi. Tadqiqot natijasida siyosiy evfemizmlarning to‘rt asosiy strategiyasi aniqlanadi: urush va zo‘ravonlikni niqoblash, iqtisodiy muammolarni yumshatish, repressiyani qonuniylashtirish va siyosiy qarorlarni neytrallashtirish. Ularning ongga ta'sir mex mechanism to‘rt bosqichda kechadi: emotsional reaksiyaning pasayishi, tanqidiy fikrlashning susayishi, mavjud tartibning tabiiylashuvi va muqobil fikrlashning cheklanishi. Tadqiqot o‘zbek siyosiy evfemizmlarida sovet til merosining chuqur izlarini aniqlab, mustaqillikdan keyin ham ularning yangi mafkuraviy shakllarda davom etayotganini ko‘rsatadi. Ish post-sovet hududining siyosiy tilshunosligi uchun yangi tahlil asosini taklif etadi.
Hali tarjima qilinmagan