KIMYO DARSLARIDA O‘QUVCHILARNING AXBOROTNI TAHLIL QILISH VA DALILLANGAN XULOSA CHIQARISH KO‘NIKMALARINI SHAKLLANTIRISH METODIKASI
Annotatsiya
Maqolada kimyo darslarida umumo‘quv ko‘nikmalarining ikki tarkibiy qismi — axborotni tahlil qilish va dalillangan xulosa chiqarishni shakllantirish masalasi yoritilgan. Tadqiqot kimyoviy reaksiya belgilarini o‘rganish mazmuni bilan chegaralanib, kuzatiladigan hodisa, uni tushuntiruvchi nazariy bilim va chiqariladigan xulosa o‘rtasidagi aloqaga e’tibor qaratilgan. Ilmiy adabiyotlarni mazmuniy tahlil qilish va didaktik loyihalash asosida dastlabki tashxis, ma’lumotni saralash, dalilni tanlash, kimyoviy asoslash hamda xulosani qayta ko‘rib chiqishdan iborat metodik ketma-ketlik taklif etilgan. Gaz pufakchalarining paydo bo‘lishini turli sharoitlarda taqqoslashga doir o‘quv vaziyati orqali bir xil tashqi belgidan bir xil sababni keltirib chiqarish xatosi ko‘rsatilgan. O‘quvchi javobini kuzatuvning aniqligi, dalilning mosligi, asoslashning to‘g‘riligi va xulosa chegaralarini anglash bo‘yicha baholash mezonlari ishlab chiqilgan. Taklif etilayotgan metodika nazariy-metodik xususiyatga ega; uning samaradorligini aniqlash uchun alohida pedagogik tajriba zarur.
Hali tarjima qilinmagan