"Inflyatsiyani jilovlashning xorijiy tajribasi va uni Oʻzbekiston sharoitida qoʻllashning ahamiyati"
Litsenziya: cc-by
Annotatsiya
Ushbu tezisda inflyatsiyani jilovlashning xorijiy tajribasi tahlil qilinib, uni O'zbekiston sharoitida qo'llashning ahamiyati va imkoniyatlari yoritiladi. Tadqiqotda inflyatsion targetlash rejimini muvaffaqiyatli tatbiq etgan rivojlangan davlatlar (Yangi Zelandiya, Kanada, Buyuk Britaniya) hamda O'zbekistonga institutsional va iqtisodiy sharoiti jihatidan yaqinroq bo'lgan rivojlanayotgan davlatlar (Qozog'iston, Turkiya) tajribasi qiyosiy tahlil qilinadi. Xorijiy tajribadagi asosiy shart-sharoitlar, jumladan valyuta kursi moslashuvchanligi va markaziy bank mustaqilligi kabi omillarning O'zbekiston milliy iqtisodiyoti sharoitida qo'llanilishi imkoniyatlari asoslanadi. Tadqiqot natijalari milliy pul-kredit siyosatini xalqaro ilg'or tajriba asosida takomillashtirish bo'yicha amaliy tavsiyalar ishlab chiqishga xizmat qiladi.