Quloqning tugʻma anomaliyalarini diagnostika qilish va davolashda sunʼiy intellekt texnologiyalarining oʻrni
Litsenziya: cc-by
Annotatsiya
Quloqning tug’ma anomaliyalari bolalarda uchraydigan eshitish buzilishlarining asosiy sabablaridan biri bo‘lib, ularni erta aniqlash va o‘z vaqtida davolash nutq rivojlanishi, psixomotor taraqqiyot hamda ijtimoiy moslashuv uchun muhim ahamiyat kasb etadi. Mazkur ishda sun’iy intellekt (SI) texnologiyalarining quloq tug’ma anomaliyalarini diagnostika qilish, jarrohlik amaliyotini rejalashtirish va davolash natijalarini prognozlashdagi imkoniyatlari tahlil qilindi. Adabiyotlar tahlili shuni ko‘rsatdiki, chuqur o‘rganish (Deep Learning) algoritmlari chakka suyagining yuqori aniqlikdagi multispiral kompyuter tomografiyasi (MSKT) tasvirlari hamda audiologik tekshiruv natijalarini avtomatik tahlil qilish orqali diagnostika aniqligini oshirish va klinik qaror qabul qilish jarayonini qo‘llab-quvvatlash imkonini beradi.
Hali tarjima qilinmagan