Қўнғир кўмирни бойитиш чиқиндиларини яшил технологиялар асосида ишлаб чиқаришда қўллашнинг илмий таҳлили
Annotatsiya
Мақолада қўнғир кўмирни бойитиш жараёнида ҳосил бўладиган чиқиндилардан яшил технологиялар асосида саноат маҳсулотлари ишлаб чиқаришда фойдаланиш имкониятлари илмий жиҳатдан таҳлил қилинган. Тадқиқотда Ангрен қўнғир кўмирини бойитиш жараёнида ҳосил бўладиган технологик чиқиндиларнинг таркиби ва хусусиятлари ўрганилган. Ушбу чиқиндиларни шиша ишлаб чиқаришда хомашё сифатида қўллаш имконияти, жумладан, уларнинг кимёвий таркиби ва шиша маҳсулотларининг технологик кўрсаткичлари таққосланган. Мақолада бойитиш чиқиндиларидан оқилона фойдаланиш, саноат чиқиндиларини қайта ишлаш ва ресурс тежамкор яшил технологияларни ривожлантириш масалалари ёритилган. Мақола 2026 йил 28 март куни Навоий шаҳрида ўтказилган «Yashil texnologiyalar, biotexnologiya, qishloq xo‘jaligi, metrologiya va qurilish yo‘nalishlarida ilg‘or yondashuvlar» республика илмий-амалий анжумани материаллари тўпламида нашр этилган.