TARIX TA'LIMIDA VIRTUAL MUZEYLARDAN FOYDALANISHNING DIDAKTIK VA METODIK ASOSLARI
Annotatsiya
Ushbu maqolada tarix ta’limida virtual muzeylardan foydalanishning didaktik va metodik asoslari kompleks yondashuv asosida tahlil qilinadi. Zamonaviy raqamli ta’lim muhitida virtual muzeylar tarix fanini o‘qitishda innovatsion pedagogik vosita sifatida namoyon bo‘lib, o‘quv jarayonining mazmunini boyitish, ko‘rgazmaliligini oshirish hamda interaktiv ta’limni tashkil etishda muhim ahamiyat kasb etadi. Maqolada virtual muzeylarning ta’limiy, tarbiyaviy va rivojlantiruvchi funksiyalari yoritilib, ularning tarix fani o‘qituvchilarining kasbiy kompetensiyalarini (axborot-kommunikativ, metodik, raqamli va refleksiv kompetensiyalarni) shakllantirishdagi o‘rni asoslab beriladi. Shuningdek, virtual ekspozitsiyalar asosida dars loyihalash, tarixiy manbalar bilan ishlash, vizual tafakkurni rivojlantirish va tarixiy hodisalarni fazoviy-xronologik jihatdan idrok etish mexanizmlari tahlil qilinadi. Tadqiqot jarayonida pedagogik kuzatuv, qiyosiy tahlil, tajriba-sinov ishlari hamda umumlashtirish metodlaridan foydalanildi. Olingan natijalar virtual muzeylardan tizimli va metodik jihatdan asoslangan holda foydalanish tarix ta’limining didaktik samaradorligini oshirishini, o‘quvchilarda tarixiy tafakkur, mustaqil tahlil qilish va manbalar bilan ishlash ko‘nikmalarini rivojlantirishini ko‘rsatadi.