ХИТОЙ ТИЛИДАГИ “БОШ” БИЛАН БОҒЛИК ИБОРАЛАР ВА УЛАРНИНГ СЕМАНТИКАСИ
Annotatsiya
Маълумки, фразеологик бирликлар аждодларнинг кўп асрлик ҳаётий кузатувлари натижасида шаклланган. Хитой фразеологик бирликларини ўрганиш ва таҳлил қилиш бу халқнинг менталитетини яхшироқ тушунишга имкон беради. Мақолада Хитой маданияти билан чамбарчас боғлиқ бўлган “бош” лексемасини ўз ичига олган фразеологик бирликларни кўрсатишга ва семантик жиҳатдан таҳлил қилишга ҳаракат қилинди. Хитой халқининг дунёқараши, фикрлари, ҳис-туйғулари, ирим-сиримлари, турмуш тарзи ва яшаш муҳити фразеологик ибораларда ихчам ва аниқ шаклда баён этилган. Мақолада “бош” сўзи билан боғлиқ Хитой фразеологик ибораларининг семантикаси ва хусусиятлари ҳақида фикр юритилади. Бу лексема билан боғлиқ хитой тили иборалари донолик ва нодонлик, фикрлаш, айёрлик, зийраклик ва режалаштириш каби маъноларни ифодалайди. Хитой халқининг фразеологик бирликлари амалий ҳаёт билан боғлиқ бўлиб, фалсафий ва мафкуравий тафаккур, мантиқий мушоҳада каби хусусиятларни белгилайди. Юқоридагиларни ҳисобга олиб, мақолада хитой ва ўзбек тилларидаги “бош” лексемаси билан боғлиқ фразеологик бирликларнинг қиёсий таҳлили берилган. “Бош” сўзининг мажозий маънолари очиб берилади, гапдаги ибораларнинг семантик боғланишлари ва семантик тузилиши ўрганилади. Хитой фразеологик иборалари ўзбек хитой тилшунослигида кам ўрганилган.
Hali tarjima qilinmagan