МУАЛЛИФЛИК КЎРСАТУВЛАРИНИНГ АНЪАНАВИЙ ВА МИЛЛИЙ ХУСУСИЯТЛАРИ
Annotatsiya
Бугунги глобаллашув даврида барча соҳалар каби ОАВ ҳам янги кўриниш ва тенденциялар билан ривожланиб бормоқда. Айниқса, телевидение контентида муаллифлик кўрсатувларининг ўрни ва аҳамияти ортмоқда. Замонавийлик ва ноанъанавийлик рейтинги баланд, машҳур дастурлар учун асосий хусусиятлардан бўлса-да, ҳар қандай медиа маҳсулотда миллийлик ва анъанавийлик элементлари, албатта, мавжуд бўлишини инкор эта олмаймиз. Шу жиҳатдан, мақолада телевидениеда муаллифлик кўрсатувлари, уларнинг ўзига хос анъанавий ва миллий хусусиятлари ҳақида сўз юритилади. Бу ерда миллийлик ва анъанавийлик бир-бирига қарама-қарши эмас, балки ўзаро уйғун ҳолатда ўрганилган. Бу хусусиятлар бугунги замонавий медиа муҳитда қанчалик муҳим ва уларнинг дастур сифати ҳамда оммабоплигига таъсири қандай? Мақолада шу каби саволларга жавоб изланган. Муаллиф кўрсатувларнинг миллийлик хусусиятларини давлат телеканаллари мисолида ўрганган. Улар қай тарзда, қандай кўринишларда намоён бўлишини тадқиқ қилган. Ҳар бир мамлакат телевидениесининг ўзига хосликлари мавжудлигини инобатга олган ҳолда, ўзбек телеканаллари ва улар орқали эфирга узатиладиган муаллифлик кўрсатувларини рус телеканалларидаги дастурлар билан таққослаган ҳолда миллийлик хусусиятларини очиб берган.
Hali tarjima qilinmagan