Maktabgacha va boshlang’ich ta’limda kadrlar tayyorlashda raqamli texnologiyalarning o’rni
Annotatsiya
Maqolada hayotimizning barcha jabhalarini raqamlashtirish, jumladan, maktabgacha va boshlang’ich ta’lim integratsiyasida raqamli texnologiyalarning o’rni, bo’lajak kadrlarni tayyorlashda raqamli texnologiyalarning o’rni, zamonaviy ta’limning muammolari ko’rilgan. Maktabgacha ta’lim va boshlang’ich ta’lim integratsiyasida raqamli texnologiyalarni joriy etishning ijobiy va salbiy tomonlari, maktabgacha ta’limning xususiyatlari va imkoniyati, maktabgacha ta’limda va boshlang’ich ta’limda raqamli texnologiyalar ahamiyati, ulardan oqilona va samarali foydalanish talablari keltirilgan. Maqolada hozirgi globallashuv davrining muhim ehtiyoji hisoblanmish maktabgacha va boshlang’ich ta’lim yoshidagi bolalarning bilim faolligini, dunyoqarashini va motivatsiyasini oshiruvchi zamonaviy o’quv jarayoni vositasi sifatida axborot-kommunikatsiya texnologiyalari va raqamli texnologiyalarni qo’llash nazariyasi va metodologiyasining dolzarb muammolari muhokama qilinadi. Ta’lim va tarbiya jarayonida raqamli texnologiyalarni qo’llash maktabgacha yoshdagi bolalar yutuqlarining kafolatlari va keyinchalik maktabda muvaffaqiyatli o’qish kafolatlari haqida so’z yuritilgan.