OYBEKNING ILMIY FAOLIYATIDA NAVOIY SHAXSIYATI TALQINI
Annotatsiya
XX asr bilan navoiyshunoslik fani uchun eng yuksak, katta muvaffaqiyatlarga ega bo‘lgan davr sanaladi. Buning eng muhim sabablaridan biri Navoiy hayoti va ijodi bo‘yicha o‘zbek olimlari olib borgan barakali tadqiqotlar bo‘ldi. Mazkur ilmiy jarayonning ahamiyatini akademik N.Karimov shunday baholaydi: “Dunyo olimlaridan fransuz sharqshunoslari Erbelo (1697), Silvester de Sasi (VIII asr oxiri), Katremer (1842), avstriyalik sharqshunos Hammer (XIX asr), ingliz turkologi Y.F.Gibb (XIX asr), rus sharqshunoslari P.S.Savelyev (1835), M.Nikitskiy (1856), P.M.Melioranskiy (1902) asarlarida Navoiy ijodi qanday talqin qilinganidan qat’i nazar, ular e’lon qilingan vaqtda O‘zbekistonda hali Navoiy hayoti va ijodi haqida birorta maqola ham yozilmagan edi” .