CHIQINDINI QAYTA ISHLASH ORQALI KULDAN TOZALOVCHI VOSITA OLISH TEXNOLOGIYASI
Annotatsiya
Koʻplab izlanishlardan ma’lum bo’lganidek, hozirgi vaqtda sayyoradagi eng muhim dolzarb global muammo bu-atrof-muhitning ifloslanishidir. Atrof-muhitni va tabiiy resurslarni saqlash uchun xom -ashyoni yaxshi boshqarish muhim. Buning uchun qayta ishlash muhim jarayon, chunki xom-ashyoni kamaytirishga, chiqindilarni qayta ishlashga va mahsulot tarkibiga kiritishga erishildi. Chiqindilarni qayta ishlash orqali nafaqat atrof-muhitning zararlanishini, balkim turli xil kasalliklarning oldini olishga erishildi. Go’zapoya yongandan so’ng hosil bo’lgan kul faqatgina atrof – muhitni zararlashi mumkin edi. Kulni sanoatda biologik faol moddalar bilan birgalikda qayta ishlash orqali uy sharoitida paydo bo’ladigan ko’plab noqulayliklarni, xususan idish va buyumlardagi dog’larni ketkazish maqsadida kukun holdagi tozalovchi vosita ishlab chiqarish yo’lga qo’yildi. Ushbu mahsulot atrof–muhitga ziyon keltiradigan chiqindini qayta ishlash orqali hosil bo’ldi .