EVFEMIZM TUSHUNCHASI TAHLILI
Annotatsiya
Evfemizm yunoncha “evfemiya” soʻzidan kelib chiqqan boʻlib, “yaxshi soʻzlar” dan foydalanish degan maʻnoni anglatadi. Bu “yaxshi” maʼnosini bildiruvchi eu va “bashoratli nutq”, “mish-mish” degan maʼnolarini anglatuvchi phḗmē soʻzlarining birikmasidan iboratdir. Evfemizm atamasining oʻzi qadimgi yunonlar tomonidan evfemizm sifatida ishlatilgan. Ularning talqiniga koʻra “Muqaddas sukunatni saqlash” maʻnosini bildirgan. Buning tub maʻnosi esa kimnidir xafa qilib gapirgandan sukut saqlagan yaxshi deganidir. Evfemizmlarni oʻrganish uzoq vaqtdan beri dolzarb lingvistik muammo hisoblanib, oʻnlab yillar davomida evfemizmlarning shakllanish jarayoni oʻziga xos tarzda davom etib kelmoqda. Ushbu maqolada, evfemizm tushunchasi haqida fikr va mulohazalar yuritiladi.